مقبوضہ جموں و کشمیر
جموں وکشمیر کا ریاستی درجہ بحال کرنے کا مطالبہ
جموں:بھارت کے غیر قانونی زیر قبضہ جموں و کشمیر کے سابق نائب وزیر اعلیٰ اور کانگریس کے سینئر رہنما تارا چند نے مقبوضہ علاقے میں اسمبلی انتخابات سے قبل جموں و کشمیر کا ریاستی درجہ بحال کرنے پر زور دیاہے۔
کشمیر میڈیا سروس کے مطابق تارا چند نے جموں میں ایک تقریب سے خطاب کرتے ہوئے مقبوضہ جموں وکشمیر کی کی تاریخی اہمیت اجاگر کرتے ہوئے اس کے تمام حقوق اور قانونی دفعات کے ساتھ ریاستی حیثیت کی بحالی کا مطالبہ کیا۔
اس تقریب میں کانگریس کے سرکردہ رہنما نریندر شرما، ساحل شرما، مدن لال شرما اور دیگر موجود تھے۔
