مقبوضہ جموں و کشمیر
مقبوضہ کشمیر:شیخ العالم شیخ نور الدین نورانیؒ کا سالانہ عرس عقیدت و احترام سے منایا گیا
سرینگر: بھارت کے غیرقانونی زیر قبضہ جموں وکشمیر میں حضرت شیخ نور الدین نورانی ؒ کا عرس مبارک انتہائی عقیدت و احترام سے منایا گیا۔
کشمیر میڈیاسروس کے مطابق ضلع بڈگام کے علاقے چرار شریف میں عظیم بزرگ شیخ نور الدین نورانی ؒکے مزارپر عقیدت مندوں کا تانتا بندھا رہااور ہزاروں کی تعداد میں زائرین نے باجماعت نماز ظہر ادا کی۔ زائرین کی ایک بڑی تعداد نے رات بھر آستانہ عالیہ چرار شریف میں شب خوانی کی جس دوران انہوں نے امن و اماں اور سلامتی کیلئے خصوصی دعائیں کیں۔ اس موقع پر علمائ، آئمہ کرام اور مبلغین نے شیخ العالم ؒ کے طرز حیات اور تعلیمات پر روشنی ڈالی ۔
