باغ: سید علی گیلانی کے نام سے کرکٹ ٹورنامنٹ کا انعقاد
باغ: تحریک آزادی کشمیر کے عظیم قائد سید علی گیلانی کے نام سے آزاد جموں وکشمیر کے شہر باغ میں ایک کرکٹ ٹورنامنٹ کا انعقاد کیا گیا ۔
کشمیر میڈیاسروس کے مطابق ٹورنامنٹ کا اہتمام چنار کرکٹ کونسل نے کیا تھا اور اس میں باغ میں مقیم مہاجرین مقبوضہ جموں وکشمیر کی 12ٹیموں نے حصہ لیا۔حصہ لینے والی ٹیموں میں جموں کشمیر پیر پنجال فریڈم موومنٹ کی ٹیم بھی شامل تھی۔
وزیر حکومت آزاد ریاست جموں وکشمیر سردار میر اکبر خان ، جموں کشمیر پیر پنجال فریڈم موومنٹ کے نائب چیئرمین قاضی عمران اور راجہ نثار احمد شائق نے جیتنے والی ٹیم کو ٹرافی دی اور کھلاڑیوں کو انعامات دیے ۔
سردار میر اکبر اور دیگر مقررین نے اس موقع پر کہا کہ صحت مند زندگی کے لیے دیگر چیزوں کے ساتھ ساتھ کھیل بھی نہایت ضروری ہیں۔ انہوں نے کہا کہ کھیل نہ صرف تفریح کا ایک ذریعہ ہیں بلکہ کھیلوں سے انسان ذہنی و جسمانی طور پر چاق چوبند بھی رہتا ہے۔انہوں نے ٹورنامنٹ کے انعقاد پر چنار کرکٹ کونسل کا شکریہ ادا کیا۔
