بھارت

بھارت میں مذہبی، نسلی اور لسانی شدت پسندی عروج پر

سیکورٹی خدشات کے پیش نظر غیر ملکی سیاحوں پر پابندیاں عائد

نئی دلی:
بھارت میں مودی کے دور اقتدار میں مذہبی، نسلی اور لسانی شدت پسندی عروج پر ہے۔مودی حکومت نے سکیورٹی خدشات کے پیش نظر شمال مشرقی ریاستوں منی پور، ناگالینڈ اور میزورم کا دورہ کرنے والے غیر ملکی سیاحوں پر پابندیاں عائد کر دی ہیں۔
کشمیرمیڈیاسروس کے مطابق 2011میں ان ریاستوں میں سیاحت کو فروغ دینے کیلئے پابندیوں میں نرمی کی گئی تھی۔تاہم 13سال بعد صورتحال کشیدہ ہونے کی وجہ سے پابندیاں دوبارہ عائد کر دی گئی ہیں۔بھارتی وزارت داخلہ کی طرف سے جاری نئی ہدایات کے مطابق "منی پور، ناگالینڈ اور میزورم ریاستوں میں غیر ملکیوں کی نقل و حرکت کو کنٹرول اور مانیٹر کرنے کیلئے پروٹیکٹڈ ایریا ریجیم دوبارہ نافذکر دیا گیا، پروٹیکٹڈ ایریا پرمٹ میں سیاحوں کے داخلے کے مقام، رہائش اور قیام کی مدت جیسی تفصیلات لازم ہیں۔غیر ملکی سیاحوں کو 24گھنٹوں میں فارنر رجسٹریشن آفیسرکے پاس رجسٹریشن کرانا بھی ضروری ہوگا۔غیر قانونی تارکین وطن کو ایک سیاسی ہتھیار کے طور پر استعمال کرتے ہوئے بی جے پی حکومت نے عوام کی توجہ سکیورٹی کے مسائل سے ہٹانے کی کوشش کی ہے، ان ریاستوں میں سکیورٹی کے بگڑتی ہوئی صورتحال کے پیش نظر بھارتی حکومت نے یہ اقدامات کئے ہیں، بھارتی حکومت ان ریاستوں میں بگڑتے حالات کو چھپانا چاہتی ہے۔

Channel | Group  | KMS on
Subscribe Telegram Join us on Telegram| Group Join us on Telegram
| Apple 

متعلقہ مواد

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button