مقبوضہ جموں و کشمیر
بھارت : تحریک آزادی کشمیر کا حامی ہونے کے الزام پراتر پردیش میں کشمیری گرفتار
لکھنو:بھارتی ریاست اتر پردیش میں پولیس نے تحریک آزادی کشمیر کا حامی ہونے کے الزام پر ایک کشمیری شخص کو گرفتار کر لیاہے۔
کشمیر میڈیا سروس کے مطابق گرفتارکئے گئے شخص کی شناخت الطاف حسین کے نام سے ہوئی ہے اور اس کا تعلق مقبوضہ جموں و کشمیر کے ضلع پونچھ سے ہے۔کشمیریوں کی تحریک حق خود ارادیت کا زبردست حامی ہونے کے الزام پر الطاف کو اتر پردیش میں سہارنپور اور کاٹھ گڑھ پولیس کے انسداد دہشت گردی سکواڈ نے مشترکہ آپریشن کے دوران گرفتار کیا ہے۔
