مقبوضہ جموں و کشمیر
سرینگر : حملے میں3 بھارتی پولیس اہلکار ہلاک
سرینگر 13 دسمبر (کے ایم ایس)
غیر قانونی طور پربھارت کے زیر قبضہ جموں و کشمیر میں آج سرینگر کے علاقے زیون میں ایک حملے میں بھارتی پولیس کے3اہلکارہلاک جبکہ ایک درجن کے قریب اہلکار زخمی ہو گئے ہیں ۔
کشمیرمیڈیاسروس کے مطابق نامعلوم مسلح افراد نے سرینگر میں پنتھہ چوک کھنموہ روڈ پر زیون کے مقام پر انڈین ریزروپولیس کی 9ویں بٹالین کی گاڑی پر اندھادھند فائرنگ کی جس سے 3اہلکار ہلاک جبکہ درجن کے قریب زخمی ہو گئے جن میں سے بعض کی حالت تشویشناک بتائی جاتی ہے ۔ حکام کے مطابق تمام زخمی اہلکاروں کو قریبی ہسپتال منتقل کردیاگیا ۔ علاقے کا محاصرہ کر کے بڑے پیمانے پر تلاشی کی کارروائی شروع کی گئی ہے ۔
