بھارتی فوجیوں کے ہاتھوں پونچھ میں ایک اور کشمیری نوجوان شہید
سرینگر 14 دسمبر (کے ایم ایس)
غیر قانونی طور پربھارت کے زیر قبضہ جموں و کشمیر میں بھارتی فوجیوں نے اپنی ریاستی دہشت گردی کی تازہ کارروائی کے دوران آج ضلع پونچھ میں ایک اور کشمیری نوجوان کو شہید کردیا ۔
کشمیرمیڈیاسروس کے مطابق نوجوان کوبھارتی فوجیوں نے ضلع کے علاقے سرنکوٹ میں سینٹرل ریزروپولیس فورس اور اسپیشل آپریشن گروپ کے اہلکاروں کے ہمراہ ایک مشترکہ کارروائی کے دوران شہید کیا ۔آخری اطلاعات ملنے تک علاقے میں فوجی کارروائی جاری تھی ۔
