اسلام آباد : کشمیری طالب علم سڑک حادثے میں جاں بحق
اسلام آباد راولپنڈی17 دسمبر (کے ایم ایس) اسلام آباد میں آج ایک کشمیری طالب علم سڑک حادثے میں جاں بحق ہوگیا۔
کشمیر میڈیا سروس کے مطابق ایم بی بی ایس کے کشمیری طالب علم توصیف احمد وانی جومقبوضہ کشمیر کے ضلع پلوامہ کے علاقے بٹہ پورہ کا رہائشی تھامارگلہ اسلام آباد میں سڑک حادثے میں جاں بحق ہو گیا۔ایم بی بی ایس کے چوتھے سال کے طالب علم توصیف احمد وانی کوحادثے کے فورا بعد ہسپتال منتقل کیاگیا جہاں ڈاکٹروں نے اسے مردہ قرار دیا۔
ادھرحریت رہنمائوں مولوی بشیر احمداور غلام محمد صفی اور کل جماعتی حریت کانفرنس آزاد کشمیر شاخ کے کنوینر محمد فاروق رحمانی نے اپنے بیانات میں کشمیری طالب علم توصیف رشید وانی کی سڑک حادثے میں وفات پر گہرے رنج و غم کا اظہار کیا ہے ۔ انہوں نے توصیف کی بلندی درجات اور سوگوار خاندان کیلئے صبر جمیل کی دعا کی ۔ پاکستان اور آزاد جموں و کشمیر میں مقیم کشمیریوں نے کشمیری طالب علم کے انتقال پر گہرے رنج و غم کا اظہار کیا ہے۔
