بھارت
بھارتی حکومت نے 16پاکستانی یوٹیوب چینلز پر پابندی لگا دی
نئی دہلی: مقبوضہ جموں و کشمیر میں پہلگام واقعے کے بعد بھارتی حکومت نے وزارت داخلہ کی سفارش پر ڈان نیوز، سما ٹی وی، اے آر وائی نیوز اور جیو نیوز سمیت 16 پاکستانی یوٹیوب چینلز پر پابندی لگا دی ہے۔
کشمیرمیڈیاسروس کے مطابق جن دیگریوٹیوب چینلز پر پابندی عائد کی گئی ہے ان میں بول نیوز،رفتار، دی پاکستان ریفرنس،سماء سپورٹس، جی این این، عزیر کرکٹ،عمر چیمہ ایکسکلوسیو،عاصمہ شیرازی، منیب فاروق، سنو نیوز، ارشاد بھٹی اورراضی نامہ شامل ہے۔ واضح رہے 22اپریل کو پہلگام واقعے کے بعد بھارتی میڈیا نے پاکستان کے خلاف جو طوفان بد تمیزی مچارکھی ہے ، مذکورہ یوٹیوب چینلز پر بھارت کے اس سفید جھوٹ کا پول کھولا جارہا ہے اوردلائل کے ساتھ بھارتی پروپیگنڈے کو بے نقاب کیا جارہا ہے۔
