بھارتی جارحیت جاری، سندھ اور پنجاب میں اسرائیلی ساختہ جدید ڈرونز چھوڑ دیے، 25 مار گرائے گئے
اسلام آباد: بھارت نے جارحیت کا سلسلہ جاری رکھتے ہوئے سندھ اور پنجاب کے مختلف شہروں میں اسرائیلی ساختہ جدید” ہیروپ ڈرون“ چھوڑ دیے، تاہم پاک فوج نے منہ توڑ جواب دیتے ہوئے تمام ڈرونز کو گرادیا۔
کشمیر میڈیاسروس کے مطابق ملیر شرافی گوٹھ اور گلشن حدید میں 2 ڈرون گرائے گئے ۔فوج کے شعبہ تعلقات ”آئی ایس پی آر“ نے ایک بیان میں کہا کہ اب تک 25بھارتی ڈرون مار گرائے گئے ہیں۔سندھ کے ضلع گھوٹکی کے ایک گاو¿ں میں ڈرون تباہ ہونے کے بعد گرنے سے مختیار نامی کسان جاں بحق جب کہ اس کا والد ایدھن زخمی ہوگیا۔پنجاب کے دارالحکومت لاہور سمیت مختلف شہروں میں بھارت کے کئی ڈرون تباہ کرد یے گئے۔پولیس حکام نے بتایا کہ لاہور میں صبح سے اب تک 3 ڈرون گرائے جاچکے ہیں، والٹن روڈ لاہور پر 2 ڈرون گرائے گئے ، ایک ڈیفنس میں گرایا گیا، ان میں سے ایک ڈرون اسرائیلی ساختہ تھا۔
راولپنڈی میں بھی 2 جاسوس ڈرون مار گرائے جانے کی اطلاع ملی ہے، ایک ڈرون راولپنڈی ریس کورس گراونڈ میں گرا۔
گوجرانوالہ کے مختلف علاقوں میں 2 ڈرون مار گرائے گئے، ایک ڈرون کا ملبہ گاو¿ں پیر جھنڈ کے کھیتوں اور دوسرے ڈرون کا ملبہ واہنڈو کے ٹوکریاں گاوں سے ملا ہے۔شیخوپورہ کےگاو¿ں باہومان کے قریب بھی بھارتی ڈرون مارگرایا گیا۔چکوال کے تھانہ ڈوہمن کی حدود میں بھارت کا جاسوس ڈرون کھیتوں میں گر کر تباہ ہوگیا۔بہاولپور کے قریب چولستان میں بھی بھارتی ڈرون مار گرایا گیا ہے۔
اٹک میں بھی ایک ڈرون گرائے جانے کی اطلاع ملی ہے۔
