پاک بھارت جنگ میں بھارتی میڈیا کی فیک نیوز فیکٹری متحرک
بھارتی میڈیا پاکستان پر الزام تراشی کو قومی فخر سمجھتا ہے،دفاعی ماہرین
اسلام آباد:
پاک بھارت جنگ میں بھارتی میڈیا کی فیک نیوز فیکٹری متحرک ہو گئی ۔ بھارتی میڈیا بغیر کسی ثبوت کے پاکستان پر الزام تراشی کو قومی فخر سمجھتا ہے۔
پاکستان کے خلاف بھارتی فوج شرمناک ناکامی اور لڑاکا طیاروں کی پاک فضائیہ کے ہاتھوں تباہی سے بھارتی میڈیا بدحواس ہو گیا ہے ۔بھارتی میڈیا نے اپنی فوج اور حکومت کی ہزیمت کو چھپانے کیلئے نیا ڈرامہ شروع کردیاہے۔بھارتی میڈیا پر دکھایا جا رہا ہے کہ پاکستان کی جانب سے بھارتی پنجاب میں میزائیل فائر کیا گیا ہے۔ تاہم حقیقت یہ ہے کہ میزائل حملے کا ڈرامہ بھی پہلگام فالس فلیگ کی طرح ہے۔ دفاعی ماہرین کے مطابق بھارتی میڈیا مودی کے بھارتی سکھوں کو پاکستان کیخلاف ورغلانے کے منصوبے پرعمل کررہا ہے۔میڈیا میں پہلے ہی یہ خبریں زیرگردش ہیں کہ مودی حکومت بھارتی پنجاب میں فالس فلیگ کرکے الزام پاکستان پر لگا سکتا ہے۔ دفاعی ماہرین کے مطابق بھارتی میڈیا بغیر کسی ثبوت کے پاکستان پر الزام تراشی کو قومی فخر سمجھتا ہے۔بھارتی میڈیاپاکستان کے خلاف بے بنیاد پروپیگنڈا کرکے دنیا کو گمراہ کرنے کی کوشش کر رہا ہے۔
