مفتی اعظم اومان کی پاکستان پر بھارتی جارحیت کی مذمت، مملکت خداداد کی کامیابی کیلئے دعا
مسقط:اومان کے مفتی اعظم احمد بن حمد الخلیلی نے پاکستان پر بھارتی جارحیت کی شدیدمذمت کرتے ہوئے مملکت خداداد کی کامیابی کیلئے دعاکی ہے ۔
کشمیر میڈیاسروس کے مطابق احمد بن حمد الخلیلی نے سوشل میڈیا پر جاری اپنے بیان میں کہا کہ ”ہم پاکستان، اپنے مسلمان بھائی ملک کو سلام پیش کرتے ہیں، جس نے ایمان، عزم اور حوصلے کے ساتھ جارحیت کا مقابلہ کیااور اللہ کا شکر ہے کہ وہ کامیاب ہوا،ہم اللہ تعالیٰ کے گھروں، وہاں عبادت کرنے والوں اور تمام بے گناہ لوگوں پر ہر طرح کے حملے کی شدید مذمت کرتے ہیں۔ ہم اللہ تعالیٰ سے دعا کرتے ہیں کہ وہ پاکستان کو ثابت قدمی عطا فرمائے اور ظالموں کو مغلوب کرے، نیز ہم پوری مسلم امت سے اپیل کرتے ہیں کہ وہ اپنی صفوں کو متحد اور ہر طرح کی دشمنی کا مل کر سامنا کرے،اللہ ہمارا مددگار اور ہمیں کامیابی دینے والا ہے۔“ انہوںنے لکھا کہ مو¿منوں کی مدد ہم پر لازم ہے۔
