مقبوضہ جموں و کشمیر
مقبوضہ کشمیرسے 17سالہ افغان لڑکا گرفتار
سرینگر یکم ستمبر (کے ایم ایس )
غیر قانونی طور پر بھارت کے زیر قبضہ جموں و کشمیرکے ضلع کٹھوعہ میں بھارتی پولیس نے ایک افغان لڑکے کو سفری دستاویزات کے باوجود گرفتار کرلیا ۔
کشمیرمیڈیاسروس کے مطابق پولیس نے 17افغان لڑکے عبدالرحمانی کو لکھن پورہ میں کورونا وبا کے ٹیسٹنگ سینٹر کے قریب سے گرفتارکیا ۔
ایس ایس پی کٹھوعہ آر سی کوتوال نے میڈیا کو بتایا ہے کہ افغان لڑکے کو لکھن پور میں ٹول پوسٹ کی ایک چوکی سے حراست میں لیاگیا ہے ۔ ابتدائی تفتیش کے دوران لڑکے نے انکشاف کیا ہے کہ وہ اپنے بھائی کے ساتھ جموں وکشمیر آیا تھاجو افغان فوج کا سپاہی ہے اور اس وقت نئی دلی کے آر آر ہسپتال میں زیر علاج ہے۔انہوںنے مزید کہا کہ افغان لڑکے سفری دستاویزات کی جانچ پڑتال کی جارہی ہے ۔
