مقبوضہ جموں و کشمیر
مقبوضہ جموں وکشمیر: فائرنگ سے اسسٹنٹ سب انسپکٹر پولیس ہلاک
سرینگر22 دسمبر (کے ایم ایس)بھارت کے غیر قانونی زیر قبضہ جموں و کشمیر میںآج شام ضلع اسلام آباد کے علاقے بجبہاڑہ میں نامعلوم مسلح افرادکی فائرنگ سے بھارتی پولیس کا ایک اسسٹنٹ سب انسپکٹرہلاک ہوگیا۔
کشمیر میڈیاسروس کے مطابق اے ایس آئی محمد اشرف کو حملہ آوروں نے تحصیل ہیڈ کوارٹر بجبہاڑہ کے قریب گولیاں ماردیں۔ا سے تشویشناک حالت میں بجبہاڑہ ہسپتال منتقل کیا گیا جہاں وہ زخموں کی تاب نہ لاتے ہوئے چل بسا۔ بھارتی فورسز نے علاقے کو محاصرے میں لیکر حملہ آوروں کی تلاشی شروع کردی ہے۔
قبل ازیں سری نگر کے علاقے عیدگاہ میں ایک 45 سالہ شخص روف احمد کو گولیاں مار کر قتل کر دیا گیا۔
