مقبوضہ جموں و کشمیر
مقبوضہ جموں وکشمیر: جیلوں پر ”سی آئی کے“چھاپے، بیرکوں ، قیدیوں کے سامان کی تلاشی
سری نگر،:بھارت کے غیر قانونی زیر قبضہ جموں و کشمیر میں پولیس کے کاونٹر انٹیلی جنس کشمیر (سی آئی کے) یونٹ نے آج متعدد جیلوں پر چھاپے مارے۔
کشمیر میڈیا سروس کے مطابق سی آئی کے کی ٹیموں نے سینٹرل جیل سری نگر اور ڈسٹرکٹ جیل کپواڑہ پر چھاپے مارے اور بیرکوں اور قیدیوں کے سامان کی سخت تلاشی لی ۔حکام نے کہا کہ جیلوں پر چھاپوں کا مقصد اندرونی سیکورٹی کو مضبوط بنانا اور کسی بھی مشتبہ سرگرمی کو روکنا ہے۔
یاد رہے کہ بھارت نے آزادی کی جدوجہد کی پاداش میں حریت رہنماﺅں ، کارکنوں ، سول سوسائٹی اور حقوق کے کارکنوں ، وکلا، صحافیوں اور طلباءسمیت ہزاروں کشمیریوں کو مقبوضہ علاقے اور بھارت کی مختلف جیلوں میں ڈال رکھا ہے ۔ مبصرین کا کہنا کہ جیلوں پر چھاپے دراصل یہاں موجود سیاسی نظربندوں کو ہراساں کرنے کی بھارتی مہم کا حصہ ہے
