مقبوضہ جموں و کشمیر
مقبوضہ کشمیر: بھارتی فورسز نے پکڑ دھکڑ کا سلسلہ تیز کردیا۔ مختلف علاقوں سے 150سے زائد گرفتار
سری نگر: بھارت کے غیر قانونی زیر قبضہ جموںوکشمیر میں بھارتی فورسز اہلکاروں نے مختلف اضلاع میں آزادی پسند کشمیریوں کی پکڑ دھکڑ کا سلسلہ تیز کر تے ہوئے مزید 150 سے زائد افراد کو گرفتار کر لیا ہے۔
کشمیر میڈیا سروس کے مطابق بھارتی پیرا ملٹری، پولیس اور حساس اداروںکے اہلکاروں نے سری نگر اور وادی کشمیر کے دیگر اضلاع میں گھروں پر چھاپے مارے ،خواتین اور بچوں سمیت مکینوں کو ہراساں کیا اور اہم دستاویزات، فون، لیپ ٹاپ اور دیگر ڈیجیٹل آلات ضبط کر لیے۔
فورسز کے ایک اعلیٰ افسر نے صرف سرینگر سے ڈیڑھ سو سے زاہد افراد کو حراست میں لینے کی تصدیق کی ہے۔آخری اطلاعات تک چھاپوں اور گرفتاریوں کا سلسلہ جاری تھا۔
