مقبوضہ جموں و کشمیر
قابض حکام کا مقبوضہ جموں وکشمیر میں پابندیاں کل بھی جاری رکھنے اعلان
سرینگر: غیر قانونی طورپربھارت کے زیر قبضہ جموں وکشمیر میں قابض حکام نے کل (جمعہ کے روز) احتجاجی مظاہروں کوروکنے کئے لئے پابندیاں جاری رکھنے کا اعلان کیاہے۔
کشمیرمیڈیاسروس کے مطابق حکام نے بتایاکہ ایران کے سپریم لیڈر آیت اللہ علی خامنہ ای کے قتل کے خلاف احتجاجی مظاہروں کی اطلاع کے بعد جمعہ کو وادی کشمیر کے تمام اضلاع میں پابندیاں جاری رہیں گی۔انہوں نے کہا کہ یہ فیصلہ امن و امان برقرار رکھنے اور کسی بھی ناخوشگوار واقعے کو روکنے کے لیے احتیاطی اقدام کے طور پر کیا گیا ہے۔ایک سینئر عہدیدار نے بتایا کہ یہ پابندیاں جمعہ کو برقرار رہیں گی تاکہ اس بات کو یقینی بنایا جاسکے کہ صورتحال پرامن رہے۔ انہوں نے کہاکہ انتظامیہ صورتحال پر گہری نظر رکھے ہوئے ہے اور اس سلسلے میں مزید اقدامات کئے جائیں گے۔
