نئی دلی: مودی کی بھارتی حکومت نے عوامی مفادات کو پس پشت ڈال کر امریکی دبائو کے سامنے سرتسلیم خم کرلیا ہے۔
کشمیرمیڈیاسروس کے مطابق این ڈی ٹی وی کی ایک رپورٹ میں کہاگیاہے کہ امریکا نے بھارت کو روسی تیل خریدنے کیلئے دی گئی پابندیوں میں رعایت ختم کرنیکا اعلان کردیا ہے۔روسی تیل کی خریداری پررعایت نے بھارت کو تیل سپلائی میں خلل کے باوجود اضافی ذخائرحاصل کرنے کاموقع دیا تھا۔ امریکی رعایت کے بعد بھارتی ریفائنریوں نے تقریبا3کروڑ بیرل روسی تیل کے آرڈرز دے رکھے ہیں۔امریکی وزیرخزانہ اسکاٹ بیسنٹ کے مطابق بھارت کی جانب سے11مارچ سے قبل خریدے گئے رعایتی تیل کے سودوں کی مدت اب ختم ہو چکی ہے۔ماہرین کے مطابق امریکا کی جانب سے روسی تیل پر بھارت کیلئے چھوٹ کی میعاد ختم کرنا یہ ثابت کرتا ہے کہ بھارت کی خارجہ پالیسی امریکہ کے رحم وکرم پر ہے۔
