مقبوضہ جموں و کشمیر
ڈوڈہ: بھارتی انتظامیہ نے جلسے، جلوسوں، احتجاج پردوماہ کیلئے پابندی عائد کر دی
جموں:بھارت کے غیر قانونی زیر قبضہ جموںوکشمیرمیںبھارتی نتظامیہ نے آج ڈوڈہ قصبے کے کچھ حصوں میں دفعہ 163 کے تحت دو ماہ کی مدت کے لیے جلسے ، جلسوں اور احتجاج پر پابندی عائد کر دی ہے۔
کشمیرمیڈیاسروس کے مطابق ضلع مجسٹریٹ ڈوڈہ کرشن لال کی طرف سے جاری ایک حکمنامے میں کہا گیاکہ مشاہدے میں آیاہے کہ کچھ لوگ مظاہروں اور اجتماعات کی منصوبہ بندی کررہے ہیں جو امن عامہ میں خلل کاباعث بن سکتا ہے لہذا پانچ یا پانچ سے زائد افراد کے کسی بھی غیر مجاز اجتماع اور عوامی مقامات پراحتجاج یا دھرنوں کے انعقادپرمکمل پابندی عائدکیجاتی ہے۔
