کپواڑہ: بھارتی پولیس افسر نے اپنی بیوی کو گولی مار کر قتل کردیا
بھارتی فورسزاہلکارشدیدذہنی دباو کے باعث اپنی جانیں لے رہے ہیں
سرینگر : بھارت کے غیر قانونی زیر قبضہ جموں و کشمیر کے ضلع کپواڑہ میں بھارتی پولیس کے ایک افسر نے اپنی بیوی کو گولی مار کر قتل کر دیا۔
کشمیر میڈیاسروس کے مطابق ضلع کے علاقے کنڈی میں سپیشل آپریشن گروپ میں تعینات سب انسپکٹر دیپ سنگھ کا کسی بات پر اپنی بیوی بھاﺅنا کیساتھ جھگڑا ہوا ۔ بحث و تکرار کے دوران سب انسپکٹر نے بیوی پر گولی چلا دی جسکے نتیجے میں وہ موقع پر ہلاک ہو گئی ۔
کپواڑہ کا یہ المناک واقعہ ذہنی صحت کے اس بحران اور شدید آپریشنل دباو¿ کی ایک واضح علامت ہے جس کا شکار بھارتی فورسز اور پولیس اہلکارہیں ۔ طویل عرصے تک چھٹیاں نہ ملنے ، انتہائی دباو¿ والے ماحول اور نفسیاتی امداد کی عدم موجودگی کے باعث بھارتی فورسز میں خودکشیوں اور آپسی لڑائی (برادر کشی) کے واقعات میں تشویشناک اور مسلسل اضافہ ہورہاہے۔بھارتی فورسز کو جس شدید ترین دباو¿ والے ماحول کا سامنا ہے، وہ اب تیزی سے ان کی نجی زندگیوں پر اثر انداز ہو رہا ہے جس کی وجہ سے یہ اہلکار نہ صرف اپنی جانیں لے رہے ہیں بلکہ اپنے خاندانوں کو بھی ختم کر رہے ہیں۔ ادارہ جاتی نظام مستقل طور پر بنیادی فلاحی ضروریات کو نظر انداز کر رہا ہے اور شدید دباو¿ کے شکار اہلکاروں کو مناسب چھٹی، صحت مند کام کا ماحول یا آسان رسائی والی کونسلنگ فراہم کرنے میں ناکام رہا ہے۔ برسرِاقتدار بی جے پی انتظامیہ سیکورٹی کے نظام کو سیاسی پوائنٹ اسکورنگ اور جارحانہ علاقائی سازشوںکے لیے استعمال کرنے پر تلی ہوئی ہے، جبکہ اس کے جانی نقصان اور فورسز کے اندرونی استحکام کو مکمل طور پر پسِ پشت ڈال دیا گیا ہے۔بھارتی حکومت حقیقی انتظامی دیکھ بھال کے بجائے انتہا پسندانہ اور قوم پرستانہ بیانیے کو ترجیح دے رہی ہے اوراپنے سپاہیوں اور افسران کو محض استعمال کی جانے والی چیزیں سمجھتی ہے جس کے نتیجے میں ان کے خاندانوں کو اس نظامی غفلت کے نتائج بھگتنے پڑ رہے ہیں۔
