بھارت
گستاخانہ تبصروں پر بی جے پی رہنماﺅں کے خلاف کارروائی کا مطالبہ
سرینگر 23 جون (کے ایم ایس) بھارت کے غیر قانونی زیر قبضہ جموں وکشمیر میں سول سوسائٹی نے توہین رسالت کے مرتکب بی جے پی رہنماﺅں کے خلاف سخت کارروائی کا مطالبہ کیا ہے۔
جموں وکشمیر سول سوسائٹی نے سری نگر میں منعقدہ جنرل کونسل کے اجلاس میں ایک قرار کے ذریعے توہین رسالت کے گھناﺅنے جرم میں ملوث بی جے پی رہنماﺅں کی فوری گرفتار کا مطالبہ کیا۔ سوسائٹی کے چیئرمین عبدالقیوم وانی نے ایک بیان میں کہا کہ اجلاس میں مجرموں کی گرفتاری میں تاخیر کی مذمت کرتے ہوئے کہا گیا کہ اس سے مسلمانوں کے جذبات مزید مجروح ہو رہے ہیں۔
