مقبوضہ جموں و کشمیر
مقبوضہ جموں وکشمیر: مسلمانوں نے پنڈت خاتون کی آخری رسومات میں مدد کی
سرینگر02 ستمبر (کے ایم ایس) بھارت کے غیر قانونی زیر قبضہ جموں و کشمیر میں فرقہ وارانہ ہم آہنگی کی ایک اور مثالی کارروائی میں مسلم برادری کے ارکان نے آج ضلع شوپیاں کے گاﺅںPargochiمیں ایک معمر پنڈت خاتون کی آخری رسومات میں ہندو برادری کے افراد کی مدد کی۔
چونی لال کھنہ کی اہلیہ 75 سالہ چونی دیوی طویل علالت کے باعث جمعرات کی شب انتقال کر گئیں۔اس کی موت کی خبر پھیلتے ہی علاقے کے مقامی لوگ جوق در جوق آنجہانی خاتون کے گھر پہنچ گئے۔انہوںنے سوگوار خاندان سے تعزیت کی اور رات بھر انہیں تسلی دینے کے بعد آج صبح (جمعہ) لکڑیوں کا بندوبست کیا اور لاش کو شمشان گھاٹ لے جانے کے علاوہ دیگرضروری رسومات ادا کرنے میں مدد فراہم کی۔
