پاکستان
مقبوضہ جموں وکشمیر کی ہنگامہ خیز صورتحال پاک بھارت کشیدگی کو بڑھا سکتی ہے، مسعود خان
واشنگٹن 29 اکتوبر (کے ایم ایس) امریکا میں پاکستان کے سفیر مسعود خان نے خبردار کیا ہے کہ بھارت کے غیر قانونی زیر قبضہ جموں و کشمیر کی موجودہ ہنگامہ خیز صورتحال پاکستان اور بھارت کے درمیان کشیدگی میں اضافے کا باعث بن سکتی ہے۔
پاکستانی سفیر نے یہ بات معرو ف امریکی جریدے نیوز ویک کو انٹرویو دیتے ہوئے کہی۔ انہوں نے کہا کہ ایک مستقل خطرہ ہے کہ جنگ شروع ہونے کی صورت میں دونوں ممالک اپنے اسٹریٹجک ہتھیار استعمال کر سکتے ہیں۔
مسعود خان نے کہا کہ یہ بھارتی جارحیت تھی جس کی وجہ سے پہلی پاک بھارت جنگ ہوئی تھی۔ انہوں نے نشاندہی کی کہ اس کے بعد سے دونوں ممالک تین اور بڑی جنگیں لڑ چکے ہیں جبکہ جموں و کشمیر کے بین الاقوامی طور پر تسلیم شدہ متنازعہ علاقے میں کنٹرول لائن پر اکثر جھڑپیں ہوتی رہتی ہیں
