مقبوضہ جموں و کشمیر
کولگام: بھارتی پولیس نے 3نوجوان گرفتار کر لیے
سرینگر18 فروری (کے ایم ایس)بھارت کے غیر قانونی زیر قبضہ جموں کشمیر میں بھارتی پولیس نے ضلع کولگام سے تین کشمیری نوجوان گرفتار کرلیے۔
پولیس نے نوجوانو ں کو گزشتہ رات ضلع میں دادرکوٹ عالم گنج کراسنگ پر ناکے سے گرفتار کیا۔گرفتار نوجوانوں کے نام محمد عباس وگے ، گوہر شفیع میر اور نثار رحمان شیخ بتائے جاتے ہیں۔
پولیس نے نوجوانوں کی گرفتار ی کا جواز پیدا کرنے کیلئے ان پر ایک مجاہد تنظیم کے وابستہ ہونے کا الزام عائد کیا ہے ۔
