جموں
جموں میں فیکٹری میں پراسرار دھماکے سے ایک شخص ہلاک، 6زخمی
جموں 25مارچ(کے ایم ایس) غیر قانونی طور پر بھارت کے زیر قبضہ جموں و کشمیر میںحکام نے بتایا کہ ہفتے کے روز جموںخطے کے ضلع سانبہ میں ایک فیکٹری کے اندر ایک پراسرار دھماکے میں ایک شخص کی موت ہو گئی اور چھ دیگر زخمی ہو گئے۔
کشمیرمیڈیاسروس کے مطابق ایک پولیس افسر نے صحافیوں کو بتایا کہ دھماکے کی نوعیت جاننے کے لیے تحقیقات جاری ہیں، تاہم انہوں نے واقعے میں ایک شخص کی موت اور چھ دیگر کے زخمی ہونے کی تصدیق کی ہے۔انہوں نے کہاکہ ہم یہ جاننے کی کوشش کر رہے ہیں کہ آیا یہ واقعہ بوائلر پھٹنے کے نتیجے میں ہوا یا کوئی اور دھماکہ تھا۔تاہم انہوں نے ایک شخص کی موت کی تصدیق کی اور اس کی شناخت موہن لال کے طور پر کی ہے۔ انہوں نے کہا کہ واقعے میں زخمی ہونے والے 6افراد کو گورنمنٹ میڈیکل کالج جموں منتقل کردیا گیا ہے۔
