انسانی حقوق
عالمی برادری، جی 20ممالک مسئلہ کشمیر کے حل میں مدد دیں: طاہر اشرفی
لاہور 09ستمبر(کے ایم ایس) پاکستان علما ء کونسل کے چیئرمین حافظ طاہر محمود اشرفی نے عالمی برادری اور جی 20ممالک سے مطالبہ کیا ہے کہ وہ مسئلہ کشمیر کو اقوام متحدہ کی قراردادوں کے مطابق حل کرانے میں مدد کریں۔
کشمیر میڈیاسروس کے مطابق حافظ طاہر محمود اشرفی نے آج لاہور میں ایک نیوز کانفرنس سے خطاب کرتے ہوئے کہا کہ تنازعہ کشمیر کی وجہ سے خطے کی دو ارب سے زائد آبادی خطرے میں ہے۔انہوں نے کہا کہ معصوم کشمیریوں پر بھارتی مظالم کے خلاف آواز اٹھانا ہماری اخلاقی ذمہ داری ہے اور یہ مظالم اب بند ہونے چاہئیں۔
