بھارت
بابا گورو نانک کے جنم دن کی تقریبات شرکت کیلئے3 ہزاربھارتی سکھ یاتریوں کو ویزے جاری
نئی دلی:نئی دلی میں پاکستانی ہائی کمیشن نے بابا گورو نانک دیو جی کے جنم دن کی تقریبات میں شرکت کیلئے 3ہزارسکھ یاتریوں کو ویزے جاری کر دیئے ہیں۔
کشمیرمیڈیاسروس کے مطابق پاکستانی ہائی کمیشن نے بتایا انڈیا سے تقریبا 3 ہزار سکھ یاتریوں کو 25نومبر سے 4دسمبرتک پاکستان میں بابا گرو نانک دیو جی کے جنم دن کی تقریبات میں شرکت کیلئے ویزے جاری کئے گئے ہیں۔ اپنے دورے کے دوران سکھ یاتری ڈیرہ صاحب، پنجہ صاحب، ننکانہ صاحب اور کرتارپور صاحب بھی جائیں گے۔
ادھرنئی دلی کے ناظم الامور اعزاز خان نے سکھ یاتریوں کو بابا گورو نانک کے جنم دن کی مبارکباد دیتے ہوئے ان کے محفوظ سفر کے لئے نیک خواہشات کا اظہار کیاہے۔ سکھ یاترویوں کو ویزوں کا اجرا 1974 کے مذہبی مقامات کے دوروں سے متعلق پاکستان انڈیا پروٹوکول کے فریم ورک کے تحت کیا گیا ہے۔
