مقبوضہ جموں و کشمیر
لکھنو :سلنڈر دھماکے میں5افراد ہلاک ،4شدید زخمی
لکھنو :بھارتی ریاست اتر پردیش کے دارلحکومت لکھنو میں سلنڈر کے دھماکے میں ایک ہی خاندان کے 5 افراد ہلاک اور 4شدید زخمی ہو گئے ہیں ۔
لکھنو کے علاقے حضرت صاحب کاکوری میں منگل کی شب ایک گھر میں سلنڈر کے دھماکے کے بعد آگ لگ گئی جس سے 5افراد ہلاک اور 4شدید زخمی ہو گئے جن کی حالت تشویشناک بتائی جاتی ہے ۔ مقامی لوگوں نے میڈیا کو بتایا کہ گھر میں شارٹ سرکٹ کے باعث لگنے والی آگ نے گیس کے دو سلنڈروں کو اپنی لپیٹ میں لے لیا، جس کے بعد دونوں سلنڈر یکے بعد دیگر ے دھماکے سے پھٹ گئے ۔ واقعے میں 5افراد ہلاک اور 4زخمی ہو ئے ہیں ۔ فائر بریگیڈ کے عملے نے تین گھنٹے کی سخت محنت کے بعد آگ پر قابو پایا۔
