بھارت
پٹنہ : ہولی کارنگ اتارنے کیلئے نہر میں نہانے والے 2 نوجوان ڈو ب کر ہلاک
پٹنہ: بھارتی ریاست بہار میں ہولی کا جشن ماتم میں تبدل،ہولی کے رنگ اتارنے کیلئے تروینی نہر میں نہانے والے 2 نوجوان ڈو ب کر ہلاک ہوگئے ۔
کشمیرمیڈیاسروس کے مطابق ریاست کے ضلع پٹنہ کے علاقے بگہا میں ہولی کے رنگ دھونے کیلئے تروینی نہر میں نہانے والے 2نوجوان ڈوب کر ہلاک ہو گئے ۔ اطلاعات کے مطابق ہولی کھیلنے کے بعد کئی لوگ دوستوں کے ساتھ تروینی نہر میں نہانے گئے تھے۔ اسی دوران اچانک دو نوجوانوں گہرے پانی میں ڈوب گئے ۔مقامی لوگوں نے فوری طور پردونوں کو نہر سے نکالااور سب ڈویزنل ہسپتال لے گئے جہاں ڈاکٹروں نے انہیں مردہ قراردیا۔ہلاک ہونیوالے نوجوانوں میں 30سالہ اوم پرکاش اور 22سالہ شیوم شامل ہیں۔
