پاکستان
جموں وکشمیر متنازعہ علاقہ ہے ، پاکستان نے اٹوٹ انگ کا بھارتی دعوٰی مسترد کر دیا
نیویارک: پاکستان نے جموں وکشمیر کو اٹوٹ انگ قراردینے کے بھارتی دعوے کو مستردکرتے ہوئے کہا ہے کہ غلط موقف کو دہرانے سے بین الاقوامی سطح پر اسے ہرگز قابل قبول نہیں بنایاجاسکتا۔
کشمیر میڈیا سروس کے مطابق پاکستان کے مندوب گل قیصر سروانی نے اقوام متحدہ کے تخفیف اسلحہ کمیشن کے عام مباحثے کے دوران ایک مرتبہ پھر واضح کر دیاکہ جموں و کشمیر بین الاقوامی سطح پر تسلیم شدہ متنازعہ علاقہ ہے۔انہوںنے کہا کہ پاکستان کو بھارت کیطرف سے دہشت گردی کے خطرات کا سامنا ہے ، بھارت دہشت گردوں کی منظم حمایت اور مالی اعانت فراہم کرتا ہے اور وہ دہشت گردی کا ریاستی سرپرست ہے۔
گل قیصر سروانی نے تنازعہ کشمیر پر پاکستان کے موقف کا اعادہ کرتے ہوئے اقوام متحدہ کی زیر نگرانی جموںوکشمیر میں رائے شماری کی ضرورت پر زور دیا۔
