تلنگانہ: فیکٹری میں دھماکے سے6افراد ہلاک

حیدرآباد:بھارتی ریاست تلنگانہ کے ضلع رنگا ریڈی میں ایک فیکٹری میں زبردست دھماکے سے 6افرادہلاک اور متعدد زخمی ہو گئے ہیں۔
کشمیرمیڈیاسروس کے مطابق یہ دھماکہ ضلع میں شاد نگر سائوتھ گلاس کمپنی میں کمپریسر پھٹنے کی وجہ سے ہوا ۔دھماکے میں 6کارکن ہلاک اور متعدد زخمی ہوگئے ہیں۔ بھارتی میڈیا کے مطابق دھماکہ اتنا شدید تھا کہ لاشوں کے چیتھڑے اڑ گئے جبکہ زخمیوں کی حالت تشویش ناک بتائی جاتی ہے۔دھماکے کی اطلاع ملتے ہی پولیس اور فائر بریگیڈ کا عملہ فیکٹری پہنچ گیا اور آگ بجھانے کی کوششیں جا ری ہیں۔ زخمیوں کو ہسپتال منتقل کردیاگیا ہے۔