محاصرے اور تلاشی
مقبوضہ جموں کشمیر: مختلف علاقوں میں ”این آئی اے “ کے چھاپے ، کپواڑہ سے کشمیری تاجر گرفتار
سرینگر: بدنام زمانہ بھارتی تحقیقاتی ادارے نیشنل انویسٹی گیشن ایجنسی (این آئی اے) نے بھارت کے غیر قانونی زیر قبضہ جموںوکشمیر میں مختلف علاقوں میں گھروں پر چھاپے مارے ہیں۔
کشمیر میڈیاسروس کے مطابق این آئی کی ٹیموں نے بھارتی پیرا ملٹر ی اور پولیس اہلکاروں کے ہمراہ کپواڑہ، ریاسی، ڈوڈہ، ادھم پور، رام بن اور کشتواڑ اضلاع میں کئی گھروں پر چھاپے مارے۔
ایجنسی نے ضلع کپواڑہ کے علاقے ہندواذہ میں معروف کشمیری تاجر منیر احمد بانڈے کو گرفتار کیا ۔
آخری اطلاعات تک ان اضلاع کے مختلف علاقوں میں چھاپوں اور تلاشی کا کا سلسلہ جاری تھا۔
