مقبوضہ جموں و کشمیر
کٹھوعہ میں سڑک کے حادثے میں پولیس اہلکار ہلاک
جموں:غیرقانونی طورپر بھارت کے زیر قبضہ جموں وکشمیر کے ضلع کٹھوعہ میں سڑک کے ایک حادثے میں بھارتی پولیس کا ایک اہلکار ہلاک ہو گیا۔
کشمیرمیڈیاسروس کے مطابق پولیس اہلکار لیاقت علی اپنی نجی کار میں سوارتھا اورضلع کے علاقے قردوہ کے قریب اس کی کار سڑک سے پھسل کر گہری کھائی میں جاگری جس سے وہ موقع پر ہی ہلاک ہوگیا۔پولیس نے بتایا کہ امدادی کارکنوں نے لاش کو برآمد کر کے پوسٹ مارٹم کے لیے سب ڈسٹرکٹ ہسپتال منتقل کر دیا ہے۔
