مقبوضہ جموں و کشمیر
بارہمولہ میں بارودی سرنگ کے دھماکے میں دو بھارتی فوجی زخمی
سرینگر:غیرقانونی طورپر بھارت کے زیر قبضہ جموں وکشمیر کے ضلع بارہمولہ میں بارودی سرنگ کے دھماکے میں دو بھارتی فوجی شدید زخمی ہو گئے۔
کشمیر میڈیا سروس کے مطابق یہ دھماکہ اوڑی کے علاقے کمل کوٹ میں 8 راشٹریہ رائفلزکی اپر گڑھ فارورڈ پوسٹ کے قریب ہواجو12 انفنٹری بریگیڈ کے تحت کام کررہی ہے۔زخمی اہلکاروں کو فوری طور پر جائے وقوعہ سے نکالا گیا اور انہیں ہیلی کاپٹر کے ذریعے سرینگر کے بادامی باغ فوجی سپتال منتقل کیا گیا۔زخمی فوجیوں کی شناخت42 سالہ دفادار وجے کمار اور 28سالہ نائیک شراناپا انگاری کے طور پر کی گئی ہے۔
