مقبوضہ جموں و کشمیر
کولگام : نامعلوم مسلح افراد کی فائرنگ سے 2غیر مقامی افراد ہلاک
سری نگر:بھارت کے غیر قانونی زیر قبضہ جموں و کشمیر کے ضلع کولگام میں نامعلوم مسلح افراد کی فائرنگ سے2غیر مقامی افراد ہلاک ہو گئے ہیں۔
کشمیرمیڈیاسروس کے مطابق واقعہ ضلع کے علاقے کیلم میں پیش آیا۔ فائرنگ سے دو غیر مقامی افراد شدید زخمی ہو گئے جنہیں علاج کے لیے قریبی ہسپتال منتقل کیا گیا۔ جہاں وہ زخموں کی تاب نہ لاتے ہوئے چل بسے ۔ ہلاک ہونے والوں کے نام دیپک اور بھوپندر بتائے جارہے ہیں۔واقعہ گزشتہ شام پیش آیا۔
