مقبوضہ جموں و کشمیر
بڈگام: ڈریگام کے رہائشیوں کا اپنے حلقے کو چرار شریف کے حلقے میں ضم کیے جانے کیخلاف مظاہرہ
سرینگر 07 مئی (کے ایم ایس) بھارت کے غیر قانونی زیر قبضہ جموں وکشمیر کے ضلع بڈگام کے علاقے ڈریگام Drygamمیں لوگوں نے بھارتی انتخابی حد بندی کمیشن کی طرف سے اپنے علاقے کو چرار شریف حلقے میں ضم کرنے کے خلاف احتجاج کیا۔
مظاہرین نے کہا کہ انکے علاقے کو 35کلو میٹر دور چرا ر شریف کے حلقے میں ضم کرنا ہمارے ساتھ ساتھ شدید ناانصافی ہے ۔ انہوں نے کہا کہ ہم خان صاحب کے حلقے کے ساتھ تھے جو صرف چار کلومیٹر دور ہے لیکن ہمارے گاں کو دور دراز چرار شریف کے حلقے میں ضم کرناسجھ سے باہر ہے۔انہوںنے اپنے حلقے کو خانصاحب حلقے کے ساتھ برقرار رکھنے کا مطالبہ کیا۔
