مقبوضہ جموں وکشمیر :ہفتے کو مکمل ہڑتال کی جائے گی

تازہ ترین خبریں اور اپڈیٹس، ہمارے ٹیلیگرام چینل پر کے ایم ایس ٹیلیگرام گروپ

تازہ ترین خبریں آپ کے اینڈرائیڈ ہینڈ سیٹس پر

سرینگر19 مئی (کے ایم ایس) بھارت کے غیر قانونی زیر قبضہ جموںوکشمیرمیں ممتاز آزادی پسند رہنماﺅں میر واعظ مولوی محمد فاروق ،خواجہ عبدالغنی لون اور شہدائے حول کی برسیوں کی یاد میں 21 مئی بروز ہفتہ مکمل ہڑتال کی جائے گی۔
کشمیرمیڈیاسروس کے مطابق ہڑتال کی کال کل جماعتی حریت کانفرنس نے دی ہے جس کا مقصد مقبوضہ علاقے اور بھارت کی مختلف جیلوں میں بند حریت رہنماو¿ں اور کارکنوں کی غیر قانونی نظربندی کے خلاف احتجاج اور تحریک آزادی کے حوالے سے ان کے عزم وہمت کو خراج تحسین پیش کرنا ہے۔ مقبوضہ کشمیر میں بھارتی فورسز کے ہاتھوں کشمیریوں کی نسل کشی کے خلاف ہفتے کے روز احتجاجی ریلیاں نکالی جائیں گی۔ لوگ مزار شہداءعید گاہ جائیں گے اور شہدا ءکی قبروں پر فاتحہ خوانی کریں گے۔ کل جماعتی حریت کانفرنس نے عائمہ کرام اور خطباءسے کہا کہ وہ مساجد میں پانچ وقت کی نمازوں کے موقع پر شہداءکو بھر پور خراج عقیدت پیش کریں۔
نامعلوم مسلح افراد نے میر واعظ مولوی محمد فاروق کو 21 مئی 1990 کو سرینگر میں ان کی رہائش گاہ پر گولی مار کر شہید کر دیا تھا، اسی روز سرینگر کے علاقے حولHawal میں ان کے جنازے کے جلوس پر بھارتی فوجیوں کی اندھا دھند فائرنگ سے ستر سوگوار شہید ہو گئے تھے۔ بارہ سال بعد 21 مئی 2002 کو نامعلوم حملہ آوروں نے خواجہ عبدالغنی لون کو اس وقت شہید کر دیا تھا جب وہ سری نگر کے شہداءقبرستان میں ایک اجتماع سے خطاب کے بعد واپس جا رہے تھے

تازہ ترین خبریں اور اپڈیٹس، ہمارے ٹیلیگرام چینل پر کے ایم ایس ٹیلیگرام گروپ

تازہ ترین خبریں آپ کے اینڈرائیڈ ہینڈ سیٹس پر