مقبوضہ جموں و کشمیر
سرینگر: ہائیکورٹ نے 9افراد کی غیر قانونی نظر بندی کالعدم قرار دیدی
سرینگر27 مئی (کے ایم ایس)بھارت کے غیر قانونی زیر قبضہ جموں و کشمیر کی ہائی کورٹ نے کالے قانون پبلک سیفٹی ایکٹ (پی ایس اے) کے تحت نو افراد کی غیر قانونی نظر بندی کو کالعدم قرار دیتے ہوئے ان کی رہائی کے احکامات دیے ہیں ۔
کشمیرمیڈیاسروس کے مطابق نظربندوں ہلال احمد، ریاض احمد میر، شاہد مجید ڈار، شوکت احمد میر، امتیاز احمد بٹ، جاوید احمد لون، محمد سلیمان خان، سمیر احمد ملہ اور انجم بشیر میر کو آزادی کے حق میں سرگرمیوں کی پاداش میں حراست میں لیا گیا تھا۔عدالت نے انکی نظر بندی کے احکامات کالعدم قرار دیتے ہوئے قابض انتظامیہ کو انہیں رہا کرنے کی ہدایت کی ہے۔
