مقبوضہ جموں و کشمیر
مقبوضہ کشمیر :حریت رہنماء ہلال احمد مسگر کی والدہ کی وفات پر اظہار تعزیت
سرینگر31 جنوری (کے ایم ایس)
غیر قانونی طور پر بھارت کے زیر قبضہ جمو ں و کشمیر میں کل جماعتی حریت کانفرنس کے رہنماء مختار احمد وازہ حریت رہنماء ہلال احمد مسگرکی رہائش گاہ پر گئے اور ان سے ان کی والدہ کی وفات پر اظہار تعزیت کیا۔
مختار وازہ نے اس موقع پر مرحومہ کی بلندی درجات اور سوگوارخاندان کیلئے صبر جمیل کی دعا کی ۔ انہوں نے جاری جدوجہد آزادی کشمیر کیلئے مسگر خاندان کی قربانیوں کی تعریف بھی کی ۔ انہوں نے تنازعہ کشمیر کوکشمیری عوام کی خواہشات کے مطابق بامعنی مذاکراتی عمل کے ذریعے حل کرنے پر زوردیا۔
