بھارت
اتراکھنڈ: کار سیلابی پانی میں بہہ جانے کے باعث نو افراد ہلاک
دہرہ دون09 جولائی (کے ایم ایس) بھارتی ریاست اتراکھنڈ میں ایک خوفناک سڑک حادثے میں نو افراد ہلاک ہو گئے ہیں ۔
کشمیر میڈیاسروس کے مطابق ریاست کے ضلع نینی تال کے علاقے رام نگر میں ڈھیلا ندی کے سیلابی پانی میں ایک کار بہہ گئی جس کے نتیجے میں نو افراد ہلاک ہو گئے۔ مقامی افراد نے ایک لڑکی سمیت دو افراد کو بچا لیا۔ مرنے والے تمام افراد کا تعلق پنجاب سے تھا جو اتراکھنڈ تفریح کے لیے آئے تھے ۔ حادثہ جمعہ کی صبح پانچ بجے پیش آیا۔
