مقبوضہ جموں و کشمیر
بھارت :بہار میںہندو انتہاپسندوں نے مسلمان شخص کو پیٹ پیٹ کر قتل کردیا
پٹنہ10اگست(کے ایم ایس) بھارتی ریاست بہار میں ہندو انتہاپسندوں کے ایک ہجوم نے ایک 35سالہ مسلمان شخص کو پیٹ پیٹ کرقتل کردیاہے۔
کشمیرمیڈیاسروس کے مطابق ہندو فرقہ پرست گروپ کے ارکان نے محمد مستقیم کو ریاست کے ضلع سمستی پور کے علاقے چکھابی میں مار مار کر قتل کردیا جبکہ اس کے ساتھ تین دیگر افرادفرار ہونے میں کامیاب ہوگئے۔یہ واقعہ ایک ویڈیو وائرل ہونے کے بعد منظر عام پر آیا جس کے بعد پولیس نے چکھابی علاقے میں اضافی فورس تعینات کردی۔پولیس نے بتایا کہ بیگوسرائے کے رہائشی محمد مستقیم کی ہسپتال میں علاج کے دوران موت ہو گئی اور اس کے ساتھ موجود تین دیگر افراد موقع سے فرار ہونے میں کامیاب ہو گئے تھے۔
