مقبوضہ جموں و کشمیر
بھارتی فوجیوں کے ہاتھوں2 اور کشمیری نوجوان شہید
سرینگر 30ستمبر (کے ایم ایس)
غیر قانونی طور پربھارت کے زیر قبضہ جموں و کشمیر میں بھارتی فوجیوں نے اپنی ریاستی دہشت گردی کی تازہ کارروائی کے دوران آج ضلع بارہمولہ میں 2 اور کشمیری نوجوانوں کو شہید کر دیا ۔
کشمیرمیڈیاسروس کے مطابق فوجیوں نے نوجوانوں کو ضلع کے علاقے پٹن میں تلاشی اور محاصرے کی کارروائی کے دوران شہید کیا ۔ آخری اطلاعات ملنے تک علاقے میں فوجی کارروائی جاری تھی ۔
ادھر ضلع شوپیاں کے علاقے چتراگام میں بھی بھارتی فوجیوں کی طرف سے تلاشی اور محاصرے کی کارروائی کے دوران فائرنگ کا سلسلہ جاری ہے۔
