بھارت
ہریانہ : سلینڈر پھٹنے سے 6لوگوں کی موت
چندی گڑھ 12جنوری ( کے ایم ایس ) بھارتی ریاست ہریانہ میں پانی پت کے علاقے تحصیل کیمپ میں ایک گھر میں گیس سلینڈر پھٹنے سے ایک ہی خاندان کے چھ افراد کی موت ہو گئی۔
حادثہ اس وقت پیش آیا جب صبح کھانا تیار کیا جا رہا تھا۔ بتایا جا رہا ہے کہ دھماکہ گیس سلینڈر میں آگ لگنے سے ہوا۔ سب کچھ اتنی جلدی ہوا کہ گھر کے لوگوں کو باہر نکلنے کا موقع نہ ملا۔ حادثے کے بعد علاقے میں کہرام مچ گیا اور لوگ خوف و دہشت میں مبتلا ہو گئے۔
حادثے کی اطلاع ملتے ہی پولیس موقع پر پہنچ گئی اور تمام لاشوں کو پوسٹ مارٹم کے لیے بھیج دیا۔
