(کشمیر میڈیا سروس)
جموں 21 جنوری (کے ایم ایس) غیر قانونی طور پر بھارت کے زیر قبضہ جموں و کشمیر میں لوگوں کو سرکاری اراضی سے بے دخل کرنے کی قابض انتظامیہ کی مہم کے خلاف راجوری اور کشتواڑ اضلاع میں زبردست احتجاجی مظاہرے کیے گئے۔
کشمیرمیڈیا سروس کے مطابق نیشنل کانفرنس کے مقامی رہنما یشو وردھن سنگھ کی قیادت میں سول سوسائٹی کے سینکروں ارکان اور پارٹی کارکن بس اسٹینڈ کالاکوٹ کے قریب جمع ہوئے اور قابض حکام کے ظالمانہ حکمنامے کے خلاف نعرے لگائے۔ ڈی ڈی سی اور بی ڈی سی ارکان بھی احتجاج میں شامل ہوئے۔کالاکوٹ میں یشو وردھن نے صحافیوں سے بات کرتے ہوئے کہاکہ قابض حکام نے انسداد تجاوزات مہم چلا کر لوگوں کو بے گھر کردیاہے۔ انہوں نے کہا کہ جموں و کشمیر کی موجودہ انتظامیہ نے تمام محاذوں پر اپنی حدیں پار کر دی ہیں جس سے لوگوں کے لیے مشکلات پیدا ہو گئی ہیں ۔احتجاج کے دوران ڈی ڈی سی کالاکوٹ انیتا ٹھاکر ، ڈی ڈی سی ڈانگری رامیشور سنگھ، ڈی ڈی سی موگلہ شمیم اختر، ڈی ڈی سی موگلہ سریکھا کوتوال، ڈی ڈی سی ڈانگری تشیم اختر ،ضلع صدر راجوری اشوک شرما، سرپنچوں، پنچوں اور پارٹی کے سینئر رہنمائوںنے انتظامیہ کی طرف سے شروع کی گئی بے دخلی مہم کے خلاف تحصیلدار کو ایک یادداشت پیش کی ۔انہوں نے کہاکہ ہم چاہتے ہیں کہ اس حکم کو فوری طور پر واپس لیا جائے۔ انہوں نے کہاکہ ہم اپنے لوگوں کو مشکلات میں دیکھ کرخاموش تماشائی بن کر نہیں رہ سکتے۔کشتواڑ میں ڈیموکریٹک آزاد پارٹی کے کارکنوں کی قیادت میں سینکڑوں لوگوں نے انتظامیہ سے حکم واپس لینے کا مطالبہ کرتے ہوئے احتجاج کیا۔
تازہ ترین
- کل جماعتی حریت کانفرنس کی آزادکشمیر شاخ کاخواتین رہنمائوں کو سینٹرل جیل سرینگرمنتقل کرنے کی مذمت
- ” بی ایس ایف “ گاڑی سے نوجوان کی موت کے خلاف راجوری میں زبردست احتجاجی مظاہرہ
- بھارت: منی پور تشدد میں 98افرادہلاک، 310زخمی ہوئے: ریاستی انتظامیہ
- وزیراعظم شہباز شریف کا بھارت میں ٹرین حادثے میں قیمتی جانوں کے ضیاع پر اظہارافسوس
- مسئلہ کشمیر کے حل تک جنوبی ایشیا میں پائیدار امن قائم نہیں ہو سکتا، دیویندر سنگھ
- نظر بند حریت رہنما نور محمد فیاض کا مقبوضہ کشمیر کی بگڑتی ہوئی صورتحال پر اظہار تشویش
- مودی حکومت کشمیریوں کو ڈرانے دھمکانے کے لیے تحقیقاتی ایجنسیوں کا استعمال کر رہی ہے
- جموں کے لوگوں کو”بی جے پی“ کو سبق سکھانا چاہیے، کانگریس
- مقبوضہ کشمیر: جعلی مقابلوں میں ملوث ”اے ایس آئی“ کی درخواست ضمانت مسترد
- مودی حکومت بغاوت کے قانون کو سخت بنا کر نوآبادیاتی ذہنیت کا مظاہرہ کر رہی ہے، کانگریس