بھارت
چھتیس گڑھ میں بی جے پی کے غنڈوں نے دوبہنوں کی اجتماعی عصمت دری کی
رائے پور02ستمبر(کے ایم ایس) بھارتی ریاست چھتیس گڑھ کے دارالحکومت رائے پور میں بی جے پی کے غنڈوں نے دو بہنوں کو اجتماعی زیادتی کا نشانہ بنایا۔
کشمیرمیڈیاسروس کے مطابق دونوں بہنیں اپنے کزن کے ساتھ رکھشا بندھن مناکر واپس آرہی تھیں کہ بی جے پی کے مقامی رہنما کے بیٹے سمیت آٹھ سے نو حملہ آوروں نے زبردستی ان کا راستہ روکا اورآرآئی ایم ایس میڈیکل کالج کے قریب جنسی زیادتی کا نشانہ بنایا۔ لڑکیوں کے ساتھ آنے والے شخص کو بھی شدید جسمانی تشدد کا نشانہ بنایا گیا۔ملزموں میں مجرمانہ سرگرمیوں میں ملوث افراد شامل ہیں اور ان میں سے ایک مقامی بی جے پی لیڈر لکشمی نارائن سنگھ کے بیٹے پونم ٹھاکر کو حال ہی میں ضمانت پر رہا کیا گیا تھا۔
