مقبوضہ جموں و کشمیر
مقبوضہ کشمیر :اودھمپور سے پاکستانی جھنڈا برآمد
جموں07 ستمبر (کے ایم ایس)
غیر قانونی طور پر بھارت کے زیر قبضہ جموں و کشمیر کے ضلع ادھم پور سے ایک پاکستانی جھنڈا ملا ہے جو متعدد غباروں کے ساتھ منسلک تھا۔
کشمیرمیڈیاسروس کے مطابق بھارتی پولیس نے میڈیا کو بتایاہے کہ پاکستانی جھنڈا رام نگر تحصیل کے گائوں سنیتر میں ایک درخت سے لٹکا ہوا پایا گیاہے۔پاکستانی جھنڈا پوسٹروں ، سبز اور لال رنگ کے غباروں کے ساتھ منسلک ہے ۔ادھم پور کے سینئر سپرنٹنڈنٹ آف پولیس ونود کمار نے کہاہے کہ ہو سکتا ہے کہ پاکستانی جھنڈاغباروں کے ساتھ اڑ کر کنٹرول لائن کے پار آگیا ہو ۔
