بی جے پی نے ملک بھر میں غیر اعلانیہ ایمرجنسی نافذ کر دی ہے، عام آدمی پارٹی

نئی دلی :بھارت میں عام آدمی پارٹی کی سینئر رہنما آتشی سنگھ نے کہا ہے کہ بی جے پی نے عام انتخابات میں اپنی یقینی شکست سے گھبراہٹ کا شکار ہو کر ملک بھر میں غیر اعلانیہ ایمر جنسی نافذ کر دی ہے۔

کشمیر میڈیاسروس کے مطابق آتشی نے جو نئی دلی اسمبلی میں کابینہ وزیر بھی ہیں ذرائع ابلاغ کے نمائندوں سے بات کرتے ہوئے کہاکہ بی جے پی کو معلوم ہے کہ 2024میں اسکی اقتدار سے بے دخلی طے ہے لہذ ا اس نے بوکھلاہٹ میں حزب اختلاف کے رہنماﺅں کو جیلوںمیں ڈالنا شروع کر دیا ہے ۔ انہوںنے کہا کہ بی جے پی انفورسمنٹ ڈائر یکٹوریٹ( ای ڈی) اور سینٹرل بیورو آف انویسٹی گیشن ( سی بی آئی) کے دم پر آئندہ انتخابات لڑ رہی ہے اور اس نے اپنا راستہ صاف کرنے کیلئے حزب اختلاف کے ہر رہنما کو نشانہ بنانا شروع کر دیاہے ۔