مقبوضہ جموں و کشمیر
سرینگر جموں ہائی وے پرٹریفک کی آمدورفت معطل
جموں: غیر قانونی طور پر بھارت کے زیر قبضہ جموں و کشمیر میں ضلع رامبن میں تعمیراتی کام کے باعث سرینگر جموں ہائی وے پر گاڑیوں کی آمدورفت کو معطل کر دیا گیا ہے۔
کشمیر میڈیا سروس کے مطابق ہائی وے پر ٹریفک معطل رہے گی کیونکہ ضلع رامبن میں ناشری کے مقام پر تعمیراتی کام جاری ہے۔ٹریفک پولیس نے بتایا کہ ناشری سے نویوگ ٹنل تک رات 12بجے سے بدھ کی صبح 4 بجے تک ٹریفک کی اجازت نہیں ہوگی۔ جموں و کشمیر ٹریفک پولیس کی طرف سے جاری کردہ ایک حکم نامے میں کہا گیا ہے کہ رات 9 بجے کے بعد قاضی گنڈ سے جموں کی طرف اور رات 10بجے سے ادھم پور سے سرینگر کی طرف کسی بھی گاڑی کو جانے کی اجازت نہیں دی جائے گی ۔
