جموں
کشتواڑ میں بھارتی سی آر پی ایف اہلکار کی خودکشی
جموں: غیر قانونی طور پر بھارت کے زیر قبضہ جموں و کشمیر کے ضلع کشتواڑ میں بھارتی سینٹرل ریزرو پولیس فورس کے ایک کانسٹیبل نے خودکشی کر لی ہے۔
کشمیر میڈیا سروس کے مطابق سی آر پی ایف کانسٹیبل منش رنجن داس نے کشتواڑ میں سی آر پی ایف 52 بٹالین ہیڈ کوارٹر کی پی ڈی سی کالونی میں خود کوپھندہ لگا کر خودکشی کی۔واقعے کی اطلاع ملتے ہی پولیس کی ایک ٹیم موقع پر پہنچ گئی اور کانسٹیبل کی لاش کو پوسٹ مارٹم کے لیے ڈسٹرکٹ ہسپتال منتقل کردی ہے ۔اس واقعے کے بعد جنوری 2007سے مقبوضہ علاقے میں خودکشی کرنے والے بھارتی فوجیوں اور پولیس اہلکاروں کی تعداد بڑھ کر588ہو گئی ہے۔
