بھارت
بھارت :کرناٹک کے ٹرک مالکان کا17جنوری سے غیر معینہ مدت تک ہڑتال کا اعلان
بنگلورو:بھارت میں فیڈریشن آف کرناٹک ٹرک اونرز ایسوسی ایشن نے حکام کے نئے ”ہٹ اینڈ رن ”قانون کے خلاف 17جنوری سے غیر معینہ مدت تک ہڑتال پر جانے کا اعلان کیا ہے۔
کشمیر میڈیاسروس کے مطابق فیڈریشن آف کرناٹک ٹرک اونرز ایسوسی ایشن کے صدر نوین ریڈی نے بتایا کہ ایسوسی ایشن کے اراکین نے نئے قانون کے حوالے سے ایک اجلاس منعقد کیا جس میں17جنوری سے غیر معینہ مدت تک ہڑتال پر جانے کا فیصلہ کیاگیا۔انہوں نے کہا کہ دیگر مطالبات کو بھی پورا کیا جانا چاہیے جن میں حادثات کی صورت میں ٹرکوں کو ضبط کرنا اور ٹریفک کی غیر ضروری رکاوٹوں کے بہانے جرمانے عائد کرنا شامل ہیں۔
